by യൂക്കെയിലേക്ക് കേരളത്തിൽ നിന്നുള്ള നഴ്സുമാര്ക്ക് നോര്ക്ക റൂട്ട്സ് റിക്രൂട്ട്മെന്റ് ആരംഭിക്കുന്നു. റിക്രൂട്ടിട്മെന്റിന്റെ ആദ്യഘട്ടമെന്ന നിലയിൽ ഇയോവില് ഡിസ്ട്രിക്ട് ഹോസ്പിറ്റല് എന്.എസ്.എച്ച് ട്രസ്റ്റിലേക്കും ഇരുപത്തി അഞ്ചോളം അനുബന്ധ ട്രസ്റ്റുകളിലേക്കുമാണ് റിക്രൂട്ട്മെന്റ് നടത്തുന്നത്. നഴ്സുമാരുടെയും മിഡ് വൈഫുമാരുടെയും വന്തോതിലുള്ള ഒഴിവാണ് ഈ റിക്രൂട്ടിട്മെന്റിൽ പ്രതീക്ഷിക്കുന്നത്. ബി.എസ്.സി, ജി.എന്.എം, മിഡ് വൈഫറി ഉദ്യോഗാര്ഥികള്ക്ക് ആണ് അപേക്ഷയ്ക്കാൻ കഴിയുന്നത് .
റിക്രൂട്ട്മെന്റ് വഴി തെരഞ്ഞെടുക്കപ്പെടുന്ന ഉദ്യോഗാർഥികൾക്ക് ഒ.ഇ.ടി/ഐ.ഇ.എല്.ടി.എസ് പരീക്ഷാ ഫീസ്, സി.ബി.ടി ചെലവുകള് തിരികെ ലഭിക്കും. യു.കെയില് എത്തിച്ചേര്ന്നാല് ഉദ്യോഗാർഥികൾക്ക് ഒ.എസ്.സി.ഇ ടെസ്റ്റ് എഴുതുന്നതിനുള്ള സഹായവും ലഭിക്കും. ഒ.എസ്.സി.ഇ എട്ടു മാസത്തിനുള്ളില് പാസാകേണ്ടതാണ്. ഇക്കാലയളവില് 24,882 യൂറോവരെയാണ് ശമ്പളമായി ലഭിക്കുന്നത്. ഒ.എസ്.സി.ഇ നേടിക്കഴിഞ്ഞാല് 25,665 മുതല് 31,534 യൂറോ വരെയാണ് ലഭിക്കുന്ന ശമ്പളം.
നോര്ക്ക റൂട്ട്സ് റിക്രൂട്ട്മെന്റ് വഴി യു.കെയിലേക്ക് നഴ്സുമാരെ അയക്കുന്നത് ട്രിപ്പിള് വിന് പദ്ധതി വഴി ജര്മനിയിലേക്ക് നഴ്സിംഗ് റിക്രൂട്ട്മെന്റിന് നടപടി ആരംഭിച്ചതിന് ശേഷം കൂടുതല് യൂറോപ്യന് രാജ്യങ്ങളിലേക്ക് റിക്രൂട്ടുമെന്റ് വ്യാപിക്കുന്നതിന്റെ ഭാഗമായിട്ടാണ്. പൂര്ണമായും സൗജന്യമായിട്ടാണ് റിക്രൂട്ട്മെന്റ് നടക്കുന്നത്.
വിശദാംശങ്ങള്ക്ക് www.norkaroots.org എന്ന വെബ്സൈറ്റ് സന്ദര്ശിക്കുകയോ 1800 425 3939 എന്ന ടോള് ഫ്രീ നമ്പറില് ബന്ധപ്പെടുകയോ ചെയ്യാവുന്നതാണ്. 0091 880 20 12345 എന്ന നമ്പരില് വിദേശത്തു നിന്നും മിസ്സ്ഡ് കോള് സേവനവും ലഭ്യമാണ്. ഇ മെയില് uknhs.norka@kerala.gov.in.
