by കൊറോണ മഹാമാരിയുടെ പശ്ചാത്തലത്തിൽ നമ്മൾ എല്ലാം തന്നെ ഇപ്പോൾ കടന്നു പോകുന്നത് കടുത്ത സാമ്പത്തിക ബുദ്ധിമുട്ടിലൂടെയാണ്.നമുക്ക് അറിയാം ഇത് മൂലം നിരവധി പേരാണ് തൊഴിൽ രഹിതരായി മാറിയത്. കൂടാതെ പ്രായമാവർക്ക് പുറത്തു പോയി ഒരു തൊഴിലും ചെയ്യാൻ പറ്റാത്ത സാഹചര്യവുമാണ് നിലവിലുള്ളതും. ഈ ഒരു സാഹചര്യത്തിൽ സംസ്ഥാന സർക്കാർ ഇപ്പോൾ 50,000 രൂപ വരെ വായ്പാ നൽകാൻ ഒരുങ്ങുകയാണ്. 50 വയസ്സിനും 65 വയസിനും ഇടയിൽ പ്രായമാർക്ക് ,അതും ഏകദേശം 25 ശതമാനത്തോളം സബ്സിഡിയോടുകൂടിയാണ് ഈ വായ്പാതുക ലഭിക്കുന്നത്.
അതായത് 12,500 രൂപയോളം തുക നിങ്ങൾ തിരിച്ചടയ്ക്കേണ്ടതില്ല എന്ന് സാരം. അങ്ങനെ വരുമ്പോൾ 37,500 രൂപ മാത്രം നമ്മൾ തിരിച്ചടച്ചാൽ മതിയാകുന്നതാണ്. സംസ്ഥാന സർക്കാരിന്റെ “നവജീവൻ” എന്ന പദ്ധതിയുടെ ഭാഗമായാണ് ഈ ഒരു വായ്പാ സംരംഭം നിലവിൽ വന്നത്. 2021 ജനുവരി 15 തൊട്ടാണ് ഈ ഒരു ആനുകൂല്യം ലഭിക്കാൻ പോകുന്നത്. ചെറിയ ബിസിനെസ്സ് സംരംഭങ്ങൾ ആരംഭിക്കുവാനും അല്ലെങ്കിൽ മറ്റു ആവശ്യങ്ങൾക്കും നിങ്ങൾക്ക് ഈ തുക വിനിയോഗിക്കാവുന്നതാണ്. അൻപത് വയസ്സിനു മുകളിൽ പ്രായമായ വിധവകൾ, ഭിന്നശേഷിക്കാർ, തുടങ്ങിയ ആളുകൾക്ക് മുൻഗണന ഉണ്ടായിരിക്കുന്നതാണ്.
എംപ്ലോയ്മെന്റ് എക്സ്ചേഞ്ചിൽ പേര് രജിസ്റ്റർ ചെയ്തിട്ടുള്ളവർക്കാണ് ഈ തുക ലഭിക്കുകയുള്ളു. കൂടാതെ തുടർച്ചയായി എംപ്ലോയ്മെന്റ് എക്സ്ചേഞ്ചിൽ പേര് പുതുക്കുന്നവർക്കും മുൻഗണന ഉണ്ടായിരിക്കുന്നതാണ്. ഈ ഒരുലോണിനായി അപേക്ഷിക്കുന്നവർക്ക് വാർഷിക വരുമാനം ഒരു ലക്ഷം രൂപയിൽ കവിയരുത് എന്ന ഒരു നിബന്ധന ഉണ്ട്. ദേശസാൽകൃത ഷെഡ്യൂൾഡ് ബാങ്കുകൾ സംസ്ഥാന സഹകരണ ബാങ്കുകൾ കെ.എസ്.എഫ്.ഇ മുതലായ ബാങ്കുകൾ മുഘേനയാണ് ഈ ലോൺ ലഭിക്കുന്നത്. വീട്ടിൽ മറ്റു മുതിർന്ന അംഗങ്ങൾ ഉണ്ടെങ്കിൽ അവരുടെ പേരിൽ വീട്ടിലെ മറ്റു അംഗങ്ങൾക്കും ലോൺ എടുക്കാൻ ഈ പദ്ധതി വഴി സാധിക്കുന്നതാണ്. employment.kerala.gov.in എന്ന വെബ്സൈറ്റിൽ അപേക്ഷിക്കുവാനുള്ള അപേക്ഷ ഫോറം ലഭിക്കുന്നതാണ്.
